قصة صمود ونجاح زوجة ج1
2019-07-27
قصة صمود و نجاح زوجة ج3
2019-07-27

قصة صمود ونجاح زوجة ج2

قصة صمود ونجاح زوجة ج2

=====

نتابع ونكمل نجاح زوجة وقصة ست الدار

نكمل …

المهم قالت لي سألتني أختي كم سؤال عن أمور النظافة والصراحة انحرجت منها لأنها اصغر مني وكانت أحسن مني قلت لها أنتي كيف تعرفين ها لأشياء قالت انأ أقراء قلت تقرين هالامور ضحكة قالت الحين كل شئ ينكتب في الكتب والمجلات وهي تتكلم تذكرت اني مامسكت كتاب اقراه من ست سنوات كان كل وقتي كله كرف وشغل طبعا ام زوجي لعبت دور بنحت شخصيتي كيف ماتبي كانت تبيني مجرد خدامه عندها ومتناسيه انه ولدها كان ممكن يضيع عادي اهم شئ راحتها وراحة بناتها …

عطتني اختي ثلاث كتب كل واحد يتكلم عن شئ للمرأه وكيف تكون انيقه وجذابه ولكن ماطبقت اي شئ منهم ابدا …

مافيه وقت عندي للقرأه ابدا من بينظف البيت وبيخلص غسيل سجاجيد عمتي وحوشها ويطبخ اكلها واكل اولادها …كنت ابي اتغير لكن الوضع مايساعدني واذكر هذاك اليومالي رجعت فيه من المستشفى والدكتوره معتطني توصيات بعد الحركه كثير لانه المشيمه تحت والطفل فوق وانا بالشهر السابع وممكن تصير ولاده باي لحظه لانه المشيمه نازله كثير تحت تبون الصدق كنت احس بالم في ظهري ولكن من رحمني ام زوجي قالت ماعليك من هالكلام كله خرابيط دكاتره يلا يلا قومي اشتغلي بس وقمت اشتغل كنت اخاف منها كثير مع العلم في البيت شغاله لكني اشتغلت

لما رجع زوجي من العمل شافني اغسل السجاده مع الخدامه عصب علي وقال ليش تغسلين قلت امه أنا قلت لها قال أنا امنعها تتحرك وضعها خطير وأنتي مش مهتمه قالت ماراح يصير لها شئ وان صار بنات الناس كثير بنزوجك حسبي الله ونعم الوكيل على كل ظالم هالكلمه هزتني بالكامل مسكني زوجي من يدي ودخلني الغرفه وقال لو سويتي شئ ياويلك قلت زين

وجلست العصر هو طلع أول ماطلع جاتني قالت تعالي خمي الحوش والخدامه بتصب الماي عليك نظفيه معها قلت زوجي بيعصب قالت ماعليك منه قمت لاني خفت منها ورحت اخم الحوش وانا اخم احس ظهري فيه حراره من الالم ولكني خميته ولم قرنا نخلص وصل زوجي وشافني وانا اغسل عصب مره ثانيه

المهم ماوصلنا لوحده بالليل الا وانا بالطوارئ نزل دم وصارت الضجه فكروا الحبل السري انقطع داخل الرحم ولكن الحمد لله جات سلميه وهنيه عصبت امي واعلنت احسن واعظم اعلان قالته بحياتها بنتي ماترجع لبيت هلك تبيها حط لها شقه ولا طلاقها بتموتون بنتي تنومة بالمستشفى اسبوعين في هالاسبوعين جات محاضرات معتبره لزوجي من ابوي الله يرحمه ماتبي بنتنا نحن نبيها رجعها لنا والله ماتدخل بنتي بيت اهلك الا للسلام فقط غيره ماتعيش فيه ثانيه …وطلعت من المستشفى لبيت اهلي وكلها شهر وانا بشقتي …وفي هالشهر كان التغيير في بعض الافكار …

عطتني اختي دفتر صغير مدون فيه معلومات كاتبتها هي لنفسها لانها كانت بتتزوج هي واختي الثانيه بعد مااخلص الابعين …

مسكت الدفتر وفتحته كان مرتب ومقسم لكل شئ بقسمه …
قسم للملابس في البيت ونوعيها 
قسم للملابس الداخليه ونوعيتها
قسم لملابس النوم ونوعيتها
قسم للعطور والكريمات والبخور <<ماكان عندها شئ ابدا 
قسم للعنايه بالنظافه الشخصيه والجسديه …
وقسم خطير خطير جدا كان عنوانه “مفاتيج الرجل “
وقسم كيف تكونين حبيبة ومميزه عند زوجك …

كنت أقراء فيه مستغربه انا كنت وين والعالم وين كنت اتسائل مقعوله انا من القرن العشرين ؟!!

أول شئ اهتميت بتغذيتي بما اني حامل وببشرتي واخذت

أول نقطه من النصائح انتبهي لحركاتك جلست قومتك ضحكتك

زوجي لاحظ اني ماصرت اقوم واجلس مثل الهمجيه ولا اكل بهمجيه ولا ضحكتي ضحكة وحده مادري من وين صرت اضحك بصوت هادي واحاول انعمه …

من ضمن النصائح للصوت كان

 اختاري ضحكه تميزك وانتي تضحكين شدي بطنك للداخل علشان تطلع الضحكه اكثر جمالا 

وبالفعل سويتها وكانت ضحكتي حلوه وكل الي يسمعها يقول ضحكة دلع
الله يرحم ايام القهقه والتكركير

مشيتي الي كنت ادبك الارض برجولي وبين كل خطوه وخطوه مطبه خليتها من مترين لذراع واحيانا لزوم الدلع شبر

المهم والاهم زوجي صار يركز فيني ويطالع فيني ولكن ماسالني عن سبب تغييري وماكنت ابيه يسال اصلن …لانه امتاز بالشفافيه المطلقه والي بقلبي على الساني واختي كانت محرصه عليه مااقول ولا شئ له اخليه يطالع وبس    ——

وايه ال حصل بعدين نعرف تابعونى —-

ست الدار

4/nQGwoluidETKj0jQemk9WXPZ3fgwQEj01LAwySdYR9ElBPVdhFa_6qg
4/nQHM7YaifcMZ9KJyL3CUKY6tp1N1alz0Tk0szTb-D0-ZDvrznBLZHcQ
cript async src="https://pagead2.googlesyndication.com/pagead/js/adsbygoogle.js">
hassan rzk
hassan rzk
خبير ومستشار تربوى سابق بالتعليم ومدير وصاحب موقع بسمة امل العائلى
WhatsApp chat
bursa escort eryaman escort